文章分類: 貓地精靈生活 (東東楠楠~愛回家~)

縱壞東東??

joyce_lym — Fri, 23 Oct 2009 15:25:30 +0800

BABA話我縱壞東東, 我邊有縱~ 係佢聰明JA事源: 我攞左D雞柳放廚房等佢溶雪, 東東在廚房睇住我做的. 東東同我出左廚房. BABA走左廚房東東好熱情咁做跟尾貓, 東東以為雞雞食得.
BABA其實係攞小食比佢地2個. 東東一心食雞雞, 見到唔係佢D熱情溶化哂, 走出廚房望住我.
BABA 話我成日比雞雞佢地食, 食到東東見到小食都唔多熱情. 超~~ 你比小食佢咪又係一樣照食.
後話: 東東比我想像聰明. 知道我攞左D雞雞係佢的. 成日都入廚房睇我蒸未.見到未蒸會從廚房走出來, 坐正我前面望住, 跟住會咪咪叫.
平日我煮飯佢會坐垃圾筒睇我煮, 但蒸雞雞佢會好乖咁坐廚房門口等食

教識東東比手手

joyce_lym — Fri, 23 Oct 2009 15:23:19 +0800

東東豬好叻呀, 我間中比小食時順手教佢比手手. 今日佢終於教識比手手啦. 不過呢, 東東只會聽我指令, baba 係咁叫"東東手手" 東東都無理佢.
我見baba 叫"手手"叫左好耐. 我又伸手出來叫"手手", 東東伸手比我. 哈哈哈... 東東抵我咁鍚你
不過呢要東東比手手我, 我一定要有小食在手佢先會理我
至於楠楠呢, 佢仲未識. 或者咁講,佢識不過唔做ja

搜虫記 >> 楠楠

joyce_lym — Fri, 23 Oct 2009 15:22:32 +0800

唔好睇小楠楠成日瞓, 其實佢好保護家園. 細到螞蟻,大到大強都係楠楠最先發現
半夜3更佢baba無開燈在廳上網. 楠楠窗台瞓瞓下, 起身去sofa底"了了"下.
baba 睇下楠楠搞咩野. baba係sofa底見到飛虫!! 原來楠楠想去捉虫.
佢個BABA笨手笨腳去捉虫點知比佢走掉! baba 摩摩楠楠個頭同佢話捉左啦
baba 你估楠楠盲的咩, 佢睇到你根本無捉到! 楠楠無理佢坐在sofa底望到實一實.
楠楠"今晚又要我出手啦~"

東東的"飛佛"

joyce_lym — Thu, 24 Sep 2009 10:08:01 +0800

我比士多啤梨東東食 [東東的"飛佛"]. 我知佢食得好知味, 但....佢個食相真係....好可怕~成隻餓鬼咁
飛機耳+ 咪哂眼係咁食. 食得好快, 好似怕有人搶咁. 佢咁瘦又大食, 真係好似一個食唔飽的餓鬼

baba 成日同我爭仔

joyce_lym — Thu, 24 Sep 2009 10:04:46 +0800

星期日早上我例抱東東楠楠入房瞓. 咁東東入被窩, 呢個時候BABA仲出手想抱住我的東東豬! 我當然唔肯! 我用手推返東東過來.
東東比我地左推右推之後, 我地比東東自己選. 結果佢選我的大肶. 乖啦東東.
我一個星期得1,2日早上可以同東東瞓, BABA 咁都想同我爭真係衰呀佢東東BABY係我的啦!

阻住我做瑜伽

joyce_lym — Thu, 24 Sep 2009 10:02:39 +0800

呢2日我在家中瑜伽+玩呼拉圈,家中2位大帝見我左扭右扭, 好似以為我撞邪咁望住我.
我玩呼拉圈時我無留意腳邊係貓樹仔. 我玩玩下BABA大叫"繼續扭, 唔好停. 楠楠企左上貓樹仔, 你個呼拉圈係佢個頭頂轉轉下!!
咁我好小心咁停住. 楠楠當然無整到啦, 仲用頭仔頂我腳. baba 走去抱起楠楠"R佢頭仔話"好彩你個頭仲起到, 你知唔知你差D比你MAMA批左你個頭呀?!"
我無理佢2父子. 轉玩瑜伽, 我跟NDS做, 咁佢係有海浪聲,楠楠好似喜歡. 佢在圍住nds走來走去, 睇下個瑜伽動作[即係阻我睇].
我做動作又係我身邊四維行. 仲要間中用頭仔頂我. 準備向前爬做伸展動作. 佢成隻撻地反肚叫你"R"痕....仔... 你想點...係咪玩野

來讓我跟婆婆走

joyce_lym — Mon, 14 Sep 2009 09:55:00 +0800

那天婆婆上來探東楠, 楠楠同婆婆玩蜻蜓玩到跳高捉, 我都好耐無見過佢跳高玩囉.
我講笑咁話"楠楠你咁鍾意婆婆, 我唔要你啦, 你跟婆婆返屋企啦"點知婆婆走個時, 楠楠居然跟住婆婆尾, 望住個門口想出去添
死仔包, 平日我打開門你一支箭咁跑去窗台, 荒死我掉你出門口咁.今次居然想出去. 係咪咁樣做貓呀, 講吓笑JA, 唔洗咁認真, 真係去婆婆屋企呀

佢地將部notebook 伸左落地!!!

joyce_lym — Wed, 09 Sep 2009 15:50:01 +0800

東東楠楠呢2個反斗星貓 baba打電話來... 佢地將部notebook 伸左落地下
咁橋跌左去水盆+餅碟, 好在佢地差不多飲哂d水, 所以notebook 還健在. 我地部野咁鬼重, 都唔知佢點樣玩到伸落地
baba 問過2隻反斗星貓, 無貓認罪 2個都有份的啦, 不過我估東東多d, 因為佢真係好大力

鞋盒

joyce_lym — Mon, 07 Sep 2009 10:52:41 +0800

昨日楠楠無有識死, 走去東東個鞋盒度, 我都走去同楠楠話"你咁大胆瞓東東個鞋盒~小心比東東哥哥打鬼你."
結果當然比東東打走佢的啦~ 東東當個鞋盒係寶/床. 慘啦佢個鞋盒有D頂唔住快爛. 到時掉左佢東東一定嬲死死.
唉買個 $150 的貓床唔瞓, 反而瞓個鞋盒玩野~

楠楠: mama 我想玩波波

joyce_lym — Mon, 07 Sep 2009 10:51:30 +0800

東東: 世上只有MAMA好

joyce_lym — Mon, 07 Sep 2009 10:48:42 +0800

東東:唉~ 指意BABA照顧我地真係屎火
昨日我聽到BABA話我個貓碟無餅餅, MAMA叫BABA去加, 跟住MAMA去洗白白. 我見BABA又無加餅喎去左玩電腦
我肚肚有D餓啦. 唉! 叫BABA次次叫幾聲佢都唔會理我.可能佢聾聾地啦我叫到咁大聲都唔理我! 要我咬佢先有反應. 咬佢又會話我
MAMA在家都係叫MAMA好D啦. 我企起廁所門口等下, 聽到無水聲, 在門口"莊"到MAMA的腳. 咁MAMA好快會出來啦
我在門口大叫 "MAMA 我肚餓呀, 快D出來啦". MAMA開門我又大叫"比餅餅", MAMA立即去加餅. MAMA呢個貓奴好洗好用D
但佢地2個一齊回家我會叫BABA先. 跟住先到MAMA. MAMA成日都話"你先歡迎BABA先都唔歡迎我先!! 我唔理你, 你就知死! "
而家我有D信啦

嘔白泡

joyce_lym — Fri, 28 Aug 2009 10:13:15 +0800

我地回家前已說好要餵杜蟲藥. 回家後baba 做動作叫我準備. 東東望住我地, 佢估到我地有古怪. 立即去sofa 底避難
佢怎能逃出我地的5指山呢. "了"佢出黎餵藥! 東東個口好似夾萬咁難開. 難道裡面有金銀珠寶我唔知?
餵完東東佢飛奔去sofa 底. 到傻仔楠啦, 楠楠真係傻的. 由頭到尾都無避難, 仲要睇住東東食藥都無話要走.
企定定在枱上等餵藥. 乖啦~ 咁餵佢都好快. 不過佢可能咬到粒藥. 搞到一口泡超可憐. baba 仲話我好笑佢...佢個樣係好傻嘛

年年打針令你放心

joyce_lym — Tue, 25 Aug 2009 11:57:02 +0800

今早帶左東楠二怪去打防疫針. 醫生好細心睇東楠. 話2位大少都好健康,便便ok. 無過肥過瘦
意外地, 楠楠居然係瘦左, 上年4.5kg 今年4.22kg , 吓佢有瘦到咩???
東東上年3.9kg 今年3.91kg 多左0.01kg.....你食我咁多野都無咩野進步....
醫生話食得多濕糧牙仔會唔好, 一個星期2日都叫多... 小食更唔好. 貓地昜有石. 唉~ 我已經奪去他們的自由. 唔想連一個星期2日的罐罐日都無左.所以囉. 比少d小食啦, 以前日日有, 現在改2,3日一次啦. baby i love u

東東: 下年見到個醫生我要咬死死佢!!!

楠楠: MAMA 你咪死住呀

joyce_lym — Tue, 25 Aug 2009 11:55:28 +0800

我楠楠豬係乖貓貓. 我日日一聽到mama的鬧鐘嚮, 會坐定定在房門等mama, 一開門mama便會見到我
我會大大聲叫mama早晨, 跟住用力的磨擦mama. mama 會好開心笑住的掃我毛毛叫我早晨呢.
但很奇怪今次早上是baba先起身呢. 我從窗台飛奔去房門. 跟baba說完早晨, 上床找mama.
我在床尾叫mama, 佢無反應可能聽唔到啦. 我行去mama的耳仔邊叫mama. 佢都無反應.
mama 你唔係咁快死死呀. 我用鼻鼻嗅下mama的口, 睇下有無生命先. mama 未死喎~
我去mama的pat pat用摩打搓奶手推下佢. 佢又唔郁. 可能佢昏倒了. 等我同佢做貓工呼吸. 坐mama的肚上搓2下再大叫mama先.
好啦, 呢次救援成功! mama有叫我個名啦 , 咁無事我在房瞓下先 , mama你好起身返工啦, 唔係邊有錢錢養我啦

東楠愛回家2週年記念

joyce_lym — Tue, 25 Aug 2009 11:52:27 +0800

今日便是你們來這個家2週年了, 這2年你們開心嗎? 你們2個傻瓜帶給MAMA很多歡樂呢
楠楠比以前細個仔重左好多. 我抱得耐都有點吃力. 東東呢....太瘦了, 比以前重量差不了多少.
近日回想, 東東這一年才真正融入家中. 吃罐的時候改了坐住食, 可以睡到四腳朝天, 一個人在家/生病會陪住我.
逢星期3,6會帶我去攞罐罐. 可以正面啜咀仔不會縮. 近呢個月學會了楠楠那招頂頭搥high手手, 雖然唔係好夠力, 不過學會了撒嬌也是好事
想食小食要叫MAMA,之前是叫BABA的呢. 但發覺效率差, 都是叫MAMA給小食會快點.

楠楠沒以前的活潑, 愛看風景. 同東東清潔拔鬚鬚也是樂趣 [東東本來有2條2寸長的, 我以為可以留到下星期打針. 結果又給楠楠拔了] .
肥仔了很多. 近日不願給BABA 抱. MAMA抱可以接受. BABA 快吃醋了哦~ 口水多多會跟我們咪咪叫說話了呢. 早上會熱烈地親親也會叫早晨.
希望楠楠會長期保持這個天使模式. 魔鬼模式的楠楠上次咬傷我呢~ 多點走動不要再肥下去吧

今天會開貴罐罐, 希望東東楠楠比平日特別快樂吧~

ba與東楠

點少得我啜爆楠楠baby [呢排我都叫佢地做"東東baby" "楠楠baby"]

美楠回首

東東baby

佢地罐週年罐罐

佢地食得幾開心, 連賭神東都唔理你點影, 係咁食食食